Woni de unbeschadet de Bode beträtte ha, beni zersch mol mini Wösch go mache. Nach eme Orangesaft wo hätt sölle frösch presst si, so eschs ämu ofem Schild gstande, ond 2.- koschtet het ond mim Nutella Toast beni de chli i de Stadt omegwatschlet. Ha extra ned de Bus gno dasi chli was gsene vo de City. Jo es esch no es cools Stadtfeeling aber öberwältigend esch si also ned die Stadt. Sehr gstresst send die Lüüt ond es het massehaft devo of de Stross. Aber das verzellt jo jede. I ha es paar Kollege wo verzellt händ Sydney gfallene gar ned ond i has nie chönne verschto. Aber es stimmt Sydney esch wörkli nüt speziells.. so leid dass mer tuet :o) I be chli entüscht gsi vom Opera House wöl i hät ergendwie erwartet dasi dänke „Oh wow i schto wörkli näbem weltberüemte Operehuus vo Sydney“ mis Gfüel esch eher gsi: „Oh i schto jo näb em Opera House hmm chönt grad so guet z Zetzbu näb ne Tanne zue schto, wär öppe s gliche Feeling“
D Harbour Bridge hani nochli gföttelet. Ond sösch beni eifach chli dor d Stadt gschländeret.
Also was i no mues erwähne esch: I weiss iez worom dass z Cairns kei schöni Manne gha het!!! Si send alli do z Sydney. Tanja im Paradies. Läääck du mer... *sabber* Also mer tüend iez mol chli Kopfrechnen... Sydney het 4 Millione Iwohner.. devo send öppe d Hälfti Manne... da heisst 2 Millione. Öppe jede viert esch hübsch. Da heisst nach Adam Riese 500'000 schöni Manne för d Tanja. *riesen grins* I hoffe eifach die sige ned alli e de Stadt sondern ou nochli oben ohne am Bondi Beach :o))
Jo i weiss mini Hormon gönd chli met mer dore.. aber luege dörf mer jo :o) Vor allem die meischte sind in Schale onterwegs. Sexy schwarzi Stoffhose ond wenn si müend a de Ample warte de lehne si sech elegant dra häre ond dor d Bewegig gsesch de Waschbrättbuuch dor de dünni Stoff vom Hemd. *Tanja mit dem Fuss am Boden scharrt*
So ez esch aber fertig tröimt ;o) mues no was go ässe.. ond de mol luege wies witer got. Cu soon...
Abonnieren
Kommentare zum Post (Atom)
6 Kommentare:
aso jetzt muessi doch mou nochefroge! Sven: esch das easy för dech, wenn d'Tänele do öffentlech vo so veu Männer schwärmt ond goht go omereise?
bes iez het er sich no nüt lo amerke. gloub d hauptsach esch dasi weder hei chome ond keine mit hei nime ;o)
aber jo wär ou mol of sini antwort gspannt :o)
Also ich finde scho, sie sötti daheime bliebe hinderem Herd und warte bis dä Maa hei chunt, kai anderi Manne aaluege und wenn sie scho d Erlaubnis überchunt zum verruse go (z.B. zum d Chinder in Kindergarte bringe) unbedingt en Schleier aalegge.
Aber hallo wo und wenn läbed mir denn?! - Klar übertirbe ich jetzte offesichtlich.
Ich mags ehre doch gunne, dass Sie s Läbe gnüsst und was erlebt ir wite welt. I würde jo gern mitreise, bin aber gebunde i minnere (Arbeits)welt. Und dass es döte soo viel schöni Manne hät chan sie jo nünt dafür. Ich denke sie würdi die au schön finde, wenn sie nöd öffentlich drüber würdi schwärme. Wenn mir zäme scho so wiit sind, dass ich müesti es Misstrauensvotum iireiche wenn sie nur scho en tolle Maa gseht, chönd mir grad ufhöre.
Wenn sie denn unbefleckt vo denre halbe Million sunnegebrüunter innen Aazug gepackter sixpacks zu mir zrugg chunt, erfüllt mich das mit (vor)Freud und nöd Angscht dass sie ehri Triebe nöd im Griff würdi haa.
Sowit min Kommentar.
aahahahaha tänele :D
aso i froi mi trotzdem dass der sydney ned so gfallt uf die stadt.. ich be no jede morge vo brisbane beidrockt weni öber dbrogg id stadt fahre, obwohl i das scho set öber 2 mönet mache.. ;)
ond wennmer dstadt ned gfallt weisi jo of was dasimi sösch cha froie :D :D
de beni jo beruhigt ;)
jo coriini i wot der jo ou ned d vorfröid nä. velech passts der jo :o) mer gfallt ou de bondi beach ned... be velech chli e komische mönsch ;o) oder ha eifach z vel erwartet. was solls. i gnüsse mi ufenthalt do i volle züge ond da esch s wichtigschte.
danke sveni för de kommentar... ond da zeigt mer weder einisch dass mer voll ond ganz of de gliche wällelängi surfe :o)
egal wie vel schöni surfer s do het i fröi mi iez scho weder hei z cho.. zrogg zo der :o)
7 weeks to go ;o) kussi
Kommentar veröffentlichen