Freitag, 31. Oktober 2008

Schuel

Weni scho grad mol Ziit ha zom Bloge de machis doch ou Rechtig ;o) I be jo vo afang här z Cairns i de Advanced Klass gsi ond ha eigentli guet nochemöge. Mer händ vel intressants gmacht. Mer händ jedi Woche es anders Thema gha. Einisch hämmer Mode doregno.. esch ned so intelligänt wemmer ou Manne i de Klass het wo ned diräkt metrosexuell send ;o) aber si händs no easy gfonde. Mer händ eh emmer meh Froue als Manne gha. Es ziitli nämmli nome eine.

Ou Liebi hämmer mol gha... De het de Ives müesse öber sini erscht Liebi verzelle.. zersch het er sech natürli gsträubt wie verockt, er hets de aber guet gmacht för das das er e Maa esch ;o) hihi.

Kunst hämmer ou mol gha de semmer is örtliche Kunstmuseeum, esch toll gsi. Het mer wörkli no gfaue, häts ned dänkt. De Banksy hämmer ou doregno da esch e Grafittikünstler, macht wörkli tolli Sache. I ha de chli müesse öber d Arbeit vom Jean Tinguely verzelle si händ emu Fröid gha.

Shakespeare hämmer ou mol gläse.. also eifach es paar Novels. I be gloub die einzig gsi wo s richtig gläse het, i be gloub ou di einzig gsi wo gmerkt het, dass sich emmer Ziile 1 ond 3, ond Ziile 2 ond 4 müend reime :o)

En halbstündii Präsentation hani ou mol gha. I ha öber de White Turf verzellt, s Alpamare ond s Jungfraujoch. D Lehreri ond mini Mitschüeler händ Fröid gha.

De Ives het emmer di beschte Sprüch brocht. Mer händs "Der Weg zum Herzen eines Mannes führt über seinen Magen" ond de hämmer müesse Sache ad Tafele schribe wie das mer sösch no s Härz vomene Maa cha erobere. Es send de zimli luschtigi ond klischeehafti Sache usecho. Wie es schnälls Auto fahre, langi Hoor ha, ihm Bier chaufe, ned rede wenn er Färnseluegt... ond de ha ich gseit "gärn Fuessball luege"

De het de Ives gseit e de Theorie sig das jo scho Rechtig aber i de Praxis funktionieri das ned.. wöl mer söll nie zwöi gueti Sache mische.. also entweder Fraue oder Fuessball aber ned beides zur gliche Ziit. Mer mischi schliessli ou ned Bier ond Schoggi :o)

Da esch eifach z vel gsi!!!

S beschte esch aber mis Diplom, det chonsch wörkli för alles e Note öber. Ond bi de Sparte Hausaufgaben hani also d Beschtnote becho. Ond esw schtot ondedra i heig immer mini Ufgabe gmacht ond das zu allem häre wörkli suuber ond exakt ond ned schluderig.

I gloube die händ mis Zügnis met öber anderem sim verwächslet *räusper*

Ah ond bi de Awäseheit hani also 83.5 % gha. Hani also guet grächnet he? :o) 80% mues mer jo ha dass mer s Diplom bechonnt! :o) hihi.

Was mi ou so gnärvt het send die doofe Stüel wo mer gha händ. Bzw das winzig chline Tischli wo a dem Stuel agmacht gsi esch ond of dem mer hät sölle chönne schribe. Hesch genau chönne 1 Buech druf tue ond de esch da domme Ding scho voll gsi. Ongloublech müesam... Es Etui oder en Dixionär.. chasch ou dänke, de wärs velech grad zämebroche... siehe Fotos im Album...

Keine Kommentare: