Fasch nie im Usgang...

I be mega wenig im Usgang. D Taxis sind z tüür, 16.- vom Usgang hei, d Büs send huere unzueverlässig, ond mit em Velo esch es anschinend z gförlich hei z fahre znacht. Esch mer aber glich i go nor no mit em Velo i Usgang... de dörfi aber nüt alkoholisches trinke, d Polizei macht Kontrolle ond ou d Velofahrer müend is Röhrli blose. Da gäbt e saftigi Buess wenns di betrunke of em Velo verwötsche :o)

Aber i gnüsse mis Läbe trotzdem do z Cairns... weni mol öppis möcht trinke nimi s Taxi ond sösch emmer s Velo :o)

S het mer übrigens scho öpper d Velolampe klauet, s esch ned eini wie i de Schwiz wot chasch amache ond abnäh wied wotsch, sondern si esch fest a de Lenkstange agschrubet (gsi). I be vom Usgang hei gfahre ha welle d Lampe aknipse ond ha is Leere glängt. I be ned mol hässig worde.. i ha eifach sehr sehr müesse lache :o)