Dä Pfundskärli

Öisi Familie het jo vor längerer Ziit Nachwuchs becho...

Name: Elifanti Töröö

Grössi: 58 cm

Gewicht: 1300 g

Deb. Datum: 18.8.2007

Sin grosse Brüeder tueni be der Glägeheit ou mol vorschtelle:

Name: Knuddeli Wuddeli

Grössi: 58 cm

Gewicht: 900 g

Geb. Datum: 23.11. 1994

Nach afängliche Iversuchtsszene esch be de öisere Familie weder Rueh ikehrt. De Knudi esch halt johrelang en Einelzbär gsi ond em Elifanti sini Geburt esch för öis alli e riese Öberraschig gsi. S esch ned mol e schwäri Geburt gsi... ha per zuefall mit em vierte Ball a de Badefahrt ine lääri Milchchanne inetroffe...

De Elifanti het sich guet igläbt be öis.. er schloft ou scho rächt guet dore... mues nöm so oft uf wäg ehm znacht... iez schtönd de no di elifante-spezifische Impfige aa... ond de Arzt het bim letschte Routineuntersuech gseit er föi iez de gli aa zahne.. bzw rüssele.. das esch wenn er sis Milchrüsseli verlürt ond de richtig Rüssel öberchonnt. Das hämmer zom glück scho hender öis brocht... s esch letscht Woche passiert...

För mech eschs halt chli en Umschtellig vomene Bär zumene Elifant... aber es got rächt guet früener hani mi met igwachsnige Chralle a de Pfote müesse usenandsstze iez ehner mit eme verstopfte Rüsseli wo ne i de Nacht ned lot lo schlofe...

Hoffentli loufts witerhin so guet wie iez grad...