Montag, 30. Juli 2007

En anderi schwedischi Katastrophe



Es esch Fritig Obe... d Louise hocket elei deheim im Zimmer... wöl Irish Pubs send voll ned ere Stil... mer, di andere 4 Girls gönd zersch is besagte O' Caroleans eis go nä bevor mer is agseite Cafe Joseph gönd. Da tönt zwar sehr altmodisch... esch aber di agseitischt Bar mit Ossesitzplatz i de Innestadt vo Montpellier. Denn semmer so öppe am 11i oder so mol is CJ gschländeret.. denn esch d Wält no i Ornig gsi. Nachdem mer acho send hämmer ou d Louise gse in Begleitig vo 2 nätte Herre... hämmer gfonde mer schtöre si iez ned.. aber ergendwie esch mer ufgfalle dassi chli e röteri Gsichtsfarb gha het weder sösch... de Obe esch so richtig in Schwung cho...mer händ tanzet, gschwitzt ond s loschtig gha... diversi wiblechi Wäse händ ergendwelchi männlichi Wäse küsst... wöl dasjenige männliche Wäse ersch 17ni gsi esch ond för es anders wiblichs Wäse "Fröschfleisch" gsi esch... dodröber wetti lieber keni witere Komentär abgä.

Zrogg zo de Louise Sie het sich de plötzli ou zo eus gsellt... het chli tanzet, chli Small Talk betribe... plötzli schreit si e de Alisia es Ohr... "I wanna fu** you!! NOW!!"

D Alisia antwortet liecht entsetzt aber ohni jedi Würde z verlüre: "Yes.. okay... but not today!!"

D Louise entgägnet: You wanna turn me down?? You wanna fu***ing turn me down??

Denn schritet en Kolleg wo z Mexiko gebore, e de USA ufgwachse esch.. ond iez z Japan wohnt ii ond küsst si eifach dassi äntli ruhig esch...

Öppe 10 Minute spöter hocket d Louise zmitzt im Cafe Joseph ofe Bode ond bewegt sich kei Millimeter vo erem Plätzli wäg. Toll!

Mer händ si de mol veruse gschleppt, 2 Persone händ si müesse hebe ond di dritti het ere d Jacke agleit. De hämer gfonde jo mer versueche si iez mol richtig Hei z manövriere... het meh oder eher weniger guet klappet. Chli oberhalb vom Place de la Comedie hani näbe mir es lisligs Würge verno... ha grad no min Schue chönne i Sicherheit bringe... d Louise chli a Rand vo de Schtross zerre.. ond de het aso scho eis vo dene schön putzte Schaufenster müesse dra glaube. Of em Wäg vom Cafe Joseph bis hei esch sie 2 mol bewusstlos worde... esch aber zum glück gli weder verwachet.

Mer händ si denn endlich bis vor d Hustöre brocht gha, nöchschti Hürde. Ich presse d Louise ad Huswand ufe wöl elei magi si ned ghebe si esch so sturzbetrunke... d Kristiane schlüsst d Hustöre uf... zu öisem Leidwäse wohne mer im 4. Stock vomene Hochhus ;-( also mer nämd chräftig Alauf ond wuchte d Louise die vier Stockwerk ufe.. denn di nöchschti Hürde, vor öisere Wohnigstüre befindet sich no es Gitter. Ich schto hinder de Louise steme mich chräftig gäge sie, dassi ned weder 2 Träppe hinderzi abepurzlet.. ond d Kristiane schlüsst weder s Gitter uf. Ich schreie ere zue si söll no grad d Wohnigstüre ufschlüsse... sie machts.. i dem Momänt macht d Louise en usschweifendi Bewegig mit em Arm... schlot mir eri überdimensionali Handtäsche omd Ohre.. kippt nach hinde... ich schto zwar öppe 2 Schtägetritt witer onde.. ha si aber glücklicherwiis no chönne uffange... ond mer send alli mit em Schreck devo cho.

Kristiane ond ich händ öis scho gfröit dass mer si iez äntlich im Bett ine gha händ... aber nei si esch natürlich nomol ufgschtande... sofort weder of em Bode glandet.... het ergendöpis unverständlichs of schwedisch gmurmlet ond esch weder bewusstlos worde... zu drittte Mol. D Kristiane vo Norwäge verschtot zu Glück schwedisch ond het denn gmerkt dass d Louise no eri Kontaktlinse mues use nä. Kristiane het si denn am Arm packt ond esch met ere is Bad. Det het si si für öppe 2 Sekunde losglo.. ond promt esch d Louise de längi no umkippet ond nochhär wie en Wasser- Leiche öber de WC-Schüssle ghanget. Aso ergendwie esch ou die Nacht z Änd gange... mit eme Papierkorb wo si halbvoll kötzlet het (da esch de ned öppe e chline Papierkorb gsi)....ond 2 Liter Wasser wo mer ere of müesamschti Art un Wis igflösst händ.

Was mer am andere Morge erfahre händ esch.. dass d Louise.. wöl si jo ned gärn in Irish Pubs got.... elei diheim im Zimmer ghocket esch... ond i dere Ziit elei 2 ganzi Fläche Rotwii trunke het... ond ersch nachher esch si is Cafe Joseph cho ond het dete witer trunke....

Ond d Moral vo dere Gschicht esch: Lönd nie en Schwedin ond Rotwii elei deheim... eis elei got aber ned beides gemeinsam ;o)

Mini Mitbewohnerin vo Schwede

Jo aso mini Mitbewohnerin vo Schwede esch zwar e nätti aber halt ned di hellsch was so alltäglichi Sache abelangt. Do send verschedeni Sache passiert e dene 3 Mönet aber die Sach met de Wasserhähne esch aso de Hammer gsi.


Eines Tages esch de Sanitär cho ond het gseit er schtelli s Wasser ab för e Schtond.. Okay keis Problem. I be da de Gastfamilie go mitteile.. ond de Paul het denn gseit jo er wössis er heig e Brief öbercho. De send es paar Schtond vergange ond de Sanitär esch weder vor de Töre gschtande. I söl de Wasserhane uftue es chöm de zersch e chli Luft ond de söli eifach warte bes Wasser chonnt. Gesagt, Getan. S Problem esch gsi d Gastmamilie esch ned deheim gsi ond i ha mer no öberleit gha ebi äch die Wasserhäne velech ou im andere Apartment sött go uftue, obwohl da jo ned wörkli mini Ufgab esch. Öppe 3 Schtond spöter beni es andere Apartment öbere go luege eb eini vo de Girls deheim esch.. de hani s Wasser ghört laufe... i lueg is Badzimmer ine.. ond dasjenige schtot öppe 2cm onder Wasser!! I go es Zimmer vo de obegenannte Schwedin ond froge was do los esch.. si het e halbe Lachkrampf ond chont fasch kei Loft me öber vor Lache! WAS ESCH PASSIERT GSI??

Des Rätsels Lösung: Sie (Frau von Schweden) esch hei cho.. het welle d Händ wäsche.. s esch nur Luft cho ond kei Wasser. Sie het ned gwösst was do los esch, het 3 Wasserhäne ufto ond d Duschi zom luege ebs wörkli niene got.. esch nochhär es Bett.. ond esch igschlofe. Wo si verwachet esch het si s Wasser ghört loufe ond het dänkt ich sig ede Duschi. Da het si gmeinnt bes ich (troch) e eres Zimmer cho be.

Im Klartext heisst das, dass 3 Wasserhähne ond d Duschi 2 Schtond vollgas gloffe send! Aso i persönlich dräie de Wasserhahne weder zue wenn kei Wasser chonnt! Ond wenn der das bi eim Hahne passiert okay.. aber ned grad bi 4!! I weiss ned eb d Wasserrächnig ersch cho esch wo ich scho weder e de Schwiz gsi be oder eb gar niemer öppis gmerkt het devo..aber of jede Fall sägi zo dem Thema nor eis: Es send lang ned alli Schwedinne blond ond sehr dämlich! Aber die Frau erfüllt s Klischee voll und ganz!!

Frankrich

I be jo afangs April fröschfröhlich is Flugzüg gschtege ond ha vör 3 Mönet mis Heimatland verlo... zum z Montpellier chli französischi Luft z schnappe. D Gastfamilie da heisst de Paul, d Sophie, de Thomas (2.5 jöhrig) ond de Antoine (6 mönet alt) händ mi vo Afang här fröndlich ufgno.



Ond obwohls met 5 Gasttöchtere im Huus mängisch zimmli chaotisch zue ond här gange esch, esch d Situation fasch nie usgartet. Met mine Mitbewohnerinne, d Alisia vo Seattle, d Leonie vo Neuseeland, d Ragnhild Kristiane vo Norwäge, ond natürli d Louise vo Schwede, beni vo afang här sehr guet uscho.

Am erschte Tag hämmer bim Zmorge scho so lang omaplauderet dass mer nochhär händ müesse id Schuel rönne dass no rächziitig zum Ischtufigstest glängt het. I muess säge Montpellier esch allgemein e chli riskant wennt als Frau e de Nacht elei dord Schtrosse loufsch. Aber da sött mer jo grundsätzlich ned mache e grössere Städt... Znacht esch Montpellier (vor auem im Sommer) d Hochburg vo de SDF (sans domicile fixe) da heisst Bättler wo of de Schtross schlofe. Aber die tüend eim eigentli nüt z leid ossert dass sich einzelni, wenn si grad es psychisches Tief doremache, splitternackt abziend ond dord Strosse rönne. De chonnt Polizei ond leit si weder aa.. esch aber amigs no amüsant gsi. Ond s het halt vel Manne wo kei Job ond kei Gäld händ ... deför aber mindestens 4 Hünd... ond die präsentiere si im Stadtzentrum...ond de händs no es paar Kollege.. da heisst ungefähr... 4 Kollege 16 Hünd ;-)

So iez esch aber fertig öber di schlächte site vo dere Stadt gred... zersch verzelli mol chli öber d Erläbnis e öisem Huus ond denn no wasi sösch so för Usflög gmacht ha ond weli Städt dasi so besichtiget ha e dene 3 Mönet. Vel Vergnüege...
Ond so hets be öis im Huus vo de Gastfamilie usgse...